Славни а Обични
“Ток шоу’’ во кое „се соголува“ мистиката околу славните личности и од близу се прикажува нивната вистинака слика.
Автор и водител – Драган Вучиќ

(оригинално пренесени информации за емисијата, сосе печатните грешки)

Сценографија: во Големата ложа во Скопје, наредени повеќе маси во линија, покриени со бордо чаршафи, врз нив по едно бело помало чаршафче; на точно определено растојание (со шестарот), на пресекот на дијагоналите кај секоја маса е поставено стаклено зелено шише „Пелистерка“. По страните се поставени комплет сервиси за јадење (мали вилушки, ножеви / големи / мал тањир у еден поголем / мала чаша за ракија и поголема за вода и една на „столче“ за вино). Масони седат наоколу, а на чело седи големиот брат (затемнет, не се гледа кој е), до него одма Драган.. по страните хостеси у миничи држат по некое свето гралче (реплика), у нив сместени кафенца од спонзорите.

Вучич: Добро вечер драги гледачи, мили мои, добре дојдовте во ова специјално издание на вашето омилено ток шоу, „Славни а обични“. Вечерва во емисијата гости ни се неколку Масони со кои ќе помуабетиме малку за новиот тренд кај нас, а и во соседството, да се биде Масон и што тоа.. е.

(аплауз од присутните, Вучич станува, и заобиколува, оди до третиот од лево)

Вучич: Еве да почнеме од овој леп господин, како што разбрав ти Пантелије си гостин из Београдската ложа, значи од Српската масонска естрада.

Пантелије (видно насмеан и сучи брк): Ма да, видете, Београдската ложа је заиста у врло братска узајамност, мислим да ко што је српско-македонско братство није имало такво братство никада.. она наша матица, она Енглеска велика ложа, је п*ин дим! Па ми смо саучествували у задњој масонској акции у Скопље, мислим је био дивно, дивно.. ми се волимо, ми се грлимо.. ете и респектована Масонска експозитура у Пинк телевизии.. мисли, да ли ви знате ко је најизричит велико-спрски масонски симбол?

Вучич (духовито): Ма не, ама сигурен сум дека ќе кажете еве ексклузивно за македонската публика. Значи, драги гледачи, еве за прв пат да се разоткрие српскиот масонски симбол!

Пантелије (покажуе со руки): Па Цецино деколте јеботе! (прави два огромни круга и симулира „месење“) Па те две огромне сисе, и нејзин драги камен око врата који суптилно гњури меџу нење сисе, формиру опаки троугао са оно трече око у њега! Мислим да то је тајна успех Цецу, да је нејзин покојни сопруг Аркана био Масон и он је то тако интервенирао да Цеца стекне промотивна и медијска наклоност због масонерије..

Вучич (видно развеселен): Јас да бидам искрен оваа информација ја знаев, меѓутоа се надевам драги гледачи, дека сега ви е јасно за големината на една.. величина.. како што е Цеца! Идеме со реклами, по што ќе се вратиме со слика од масонската ложа ексклузивно во „Славни а обични“!

(реклами: онаа рекламата за биомагнетните пирамиди, очебиен масонски симбол)

(враќање во ложата – сега Вучич е преместен од другата страна покрај некој проќелав залижан масон, со голем прстен со гравура на влакнестата шака, таков масонски)

Вучич: По исцпрното и едукативното и информативно излагање на Пантелије од Београдската ложа, сега сме со уште еден гостин од соседните братства. Ова е Пламен Пламенов од софиската ложа. Здравеј Пламен, што имаш ти да ни кажеш за масонеријата?

Пламен (мртов озбилен за разлика од окезениот Пантелије): Масонското братштествие е метод за всичките народи да се врзувјат в едно сшто семејство к`де предимство има филантропијата а не националнија идентитет. Затова не казват дека сме ногу авторитативни, че нас не водат искрени љубовни и романтически идеали. Масонеријата е ного авторитативна и принципиелна дружина, каква то свјата не искусил до зачнувањето на гољамата ложа в Англија. Блгарската ложа заимено, е конституирана в раните години на капитализма, и чљан мога да б`де секи горделив Блгарин. Наш`то гесло е „едно братство, повечко држави“.

Вучич (воодушевено): Браво Пламен, ваква речитост не сум видел од кога Џаро ми беше во емисија! Инаку, со нас е и еден изричито млад масон од Скопје, кој на сите вам ви е многу добро познат. Боки, здраво.

Боки13 (возбуден): Леле здраво Драгане, фала на убавите зборови, ние тука сме многу радосни што може да се претставиме и пред пошироката јавност, да не ни вадат после муабети дека ние Масоните сме биле многу дигнати и дека сме се двоеле и сме глумеле лудило со тоа симболите нели! Епа јас да ти кажам како многу посветен Масон дека оваа организација е многу кул, и мене лично ми се свиѓа што член може да биде секој. Онака, знаеш, не сме како оние некои шо се мислат нешто, него баш сме отворени. Само си има и тука критериуми, знаеш дека ние уствари управуваме со светот, па не може баш секој да управува. Ама тоа не е битно. Бацки до целата македонска јавност, и дојдете луѓе, бидете Масони, нема да зажалите!

Вучич: Не се секирај Бојане, знаеме сите, никој не смее да ви вади муабети (се потсмешува). Ете анегдота една мала, да се насмееме.

Боки13: Ма да, секако (одмавнува иронично со раката).

Вучич: И ете сега да не биде дека само Цеца и Боки се славни масони, ете сега тука идеме кај уште еден Масон, познат на јавноста по неговите вокални но и интелектуални квалитетети и би се рекло ексклузивен гостин на вечерашнава емисија.. (од режија драмрол).. големиот брат.. (аплауз више) Сашко Гигов – Гиииииш!

(аплаузот се јача, се фрла рефлектор на сенката која е цело време на местото на Големиот Брат и таму Гиш седи оклештен, и отпоздравуе према камерата)

Вучич: Па Гиш, ете ти како Голем Брат на нашава ни ложа сега тазе оформена, шо имаш да кажеш?

Гиш (ја симнува насмевката, се чешка по челото, засукува една локница и почиња):

Па видете.. нашата фратернија овде, е еден трансцедент, симулакрум, базиран на позитивистичките филозофски трустови, проткаен со голема доза на автоконфиденција, затоа што свесни за нашите квалитети и деривативната моќ од нив, ние ги зауздуваме сите процеси во нашиов апсурден енвиронмент. Но ние, ако може да се изразам така, не делуваме ниту како церебрум на социо-организмот, ниту пак ги дразниме сетилата. Ние сме ганглиите, ние сме вертебралите кои го сочинуваат `рбетот, ние сме и пршлените, претставуваме столб на социјално-политичкото торзо. Со една браманска мудрост на моите собраќа, но и мистицизам, како и одредени аксиолошки скрупули, доблеста која е турбулентна, понатаму прераснува во вортекс во инаку апатичната и досадна статична конвенционалност, потопена во дефетизам и во крајна инстанца автодеструктивна.

(вучич занебекнат го прекинува, ама неуспешно, а кутриот само сакаше да праша нешто нејасно)

Рекле дека силата на Нечестевиот доаѓа од способноста за сугестивно делување; тој може да ве убеди дека не постои. Но, ние не сме кадии, немаме никакви арбитрерни надлежности, ниту пак опресистички аспирации. Илузиите на обичниот смртник и неговиот некритички, некогнитивен мортистички конформизам во апсенс на доволно силно рацио, му стимулираат тотален делириум на анимозитет кога ќе се спомене Светиот Грал или можеби Урбаната мафија, која не е ништо друго туку само бледа проекција на нашата ложа, која по аналогија на „ѕидарството“ кое е благороден занает го грди нашиот образ..

Вучич (ококорен): Гиш, те молам немој за дневно-политички теми, ај да ја довршиме емисијава, више надминавме времето..

Гиш: Во ред Драгане, ќе се обидам да извлечам заклучок. Значи, масонеријата и фамата околу неа, не е само поп-култура, конспиративна теорија или мит. По емитувањето на вашето шоу и граѓаните непосредно се запознаа со некои од членовите на нашата организација и интерните процеси кои непобитно имаат голема инфлуенција на нивното катадневие..

Епилог: Сите среќни и весели, Вучич им дели по едно ќесенце кафе, доаѓа ќелнерот им сипа по една ракија, и сите наздравуваат. Камерата полека се оддалечува во полу-птичја перспектива, Гиш и Пантелије праат муабет, додека Пламен ги шмека хостесите, а Боки13 мистериозно исчезна (во масонски стил). Над нив се знамињата на РМ, Европската унија, и едно знаме со шестар и агломер..

—-

забелешка: малце испомешани темплари/илумнати/масони и све тоа, знам, битно е да се формира плот. башка на македонските масони и окото им е симбол.