Овој пост има за цел преку примери да го разбие митот дека зачленувањето на Македонија во НАТО ќе допринесе за стабилност и безбедност.

НАТО членки

НАТО членка на нишан

The [provisional] Irish Republican Army (IRA) или во превод “Ирска Републиканска Армија” е паравоена организација која си има поставено за цел обединување на цела Ирска, т.е. отцепување на Северна Ирска (католичко население) од Британија (англиканска црква). Од 1969 до 2005 кога се откажа од оружјето, таа е одговорна за смрт на околу 2000 луѓе. Според сите категоризации ИРА се смета за терористичка организација, со назнака “опасна и непредвидлива” и секогаш постои опасност дека пак ќе посегнат по оружје. Седиштето на ИРА е во Даблин, а главното место на вооружено делување беше Белфаст, Северна Ирска, но вршени се и смртоносни напади на цивили и во Лондон. Во 1990 вршени се и напади на Хитроу и на Даунинг Стрит 10. Велика Британија е еден од основачите на НАТО и никогаш не успеа по воен пат да се справи со ИРА.

Fronte di Liberazione Naziunale di a Corsica (FLNC) или во превод “Национален фронт за ослободување на Корзика” е терористичка организација која е настаната во 1976, и од тогаш има извршено илјадници бомбашки напади на Корзика со една цел – отцепување на островот од француската власт и зачувување на автентичната корзиканска култура и јазик. Франција е основач на НАТО и не успева да се справи со Фронтот.

и НАТО има свои “марскисти-ленинисти”

Partiya Karkerên Kurdistan (PKK) или во превод “Курдска работничка партија” е марксистичко-ленинистичко-националистичка партија и вооружена организација која се залага за формирање на Курдистан – држава на територијата населена со Курди (која ги опфаќа Турција, Иран, Сирија и Ирак). Се води како терористичка организација. Од 1984 година ПКК е во војна со Турција. До денес, во тој вооружен судир се загинати повеќе од 37000 луѓе. Турција е членка на НАТО од 1952.

секое членство си носи и свои противници

Brigate Rosse (BR) или во превод “Црвените бригади” е терористичка организација од Италија која има за цел отцепување на земјата од НАТО пактот. Првата генерација на црвени бригадири беше активна во 1970тите до средината на 80тите, а делувањето воглавно им се состоеше од киднапирања и егзекуции на видни политички личности. Организацијата се реактивира кон крајот на 1990тите.

баш сабајле го гледав филмов

Грчката хунта во периодот од 1967 – 1974 беше десничарска диктатура пропратена со многу политички ликвидации. Тиранија, терор и нестабилност, кои беа последици на државниот удар кој се случи во земја членка на НАТО од 1952 година.