едно мече
за една тегла мед
со толкава жед
трагало

едно мече
играло по веселби
мавало по добоши
почнало да лаже и кодоши
за на крај

тоа едно мече
го стрпале
во зоолошка градина
и му го дале
сиот мед на светот
повеќе од што можело
да замисли

мечето добило
тегли тегли мед
вангли и лонци
полни првокласен мед
од домашно
производство
кој набрзо му скурчил

на мечето
зошто немал
доволно вода
да го изгасне

***

ебем ти животот
зад решетки
ебем ти медот
сладок
рекло мечето
и почнало
да јаде круши
кои не биле толку слатки
ама барем биле здрави
и не му се улепувале
шепите
после оброкот

***

ја гледам тагата
во очите на мечето
кое денес работи
во патувачки циркус

ја гледам тагата
и се прашувам
од што ли му е
од што страда

ја гледам тагата
во неговите очи
и знам
го разбирам
сака