Да бидеме реални, да го бараме невозможното!

На Правниот Факултет, со почеток во 19 часот на 28.05 (среда), во амфитеатарот 10, ќе се одржи отворена трибина насловена како “Пред и по нас!” по повод 40 години од настаните кои го променија светот – сеопштите протести од 1968 година.

Фокусот ќе биде на улогата на студентското движење некогаш и сега, таму и овде.. Освен историскиот остврт и почитта кон оние кои застанаа на барикадите, збор ќе стане и за ситуацијата во која денес се наоѓаат македонските студенти: катастрофален систем, руинирани домови и најважно од се, примораноста да се плаќаат баснословни суми на име партиципација за државното образование; наспроти карикатурата од студентски организации, особено Студентскиот Сојуз.

Една од целите на овој настан ќе биде и запознавање и приближување на истомислениците и разгледување на можностите за натамошно дејствување. Акцентот ќе биде ставен на можностите да се бара намалување, ако не и УКИНУВАЊЕ на партиципацијата на државните факултети.
Најавени излагања на настанот ќе имаме четворица студенти:

Дамјан Алексиев од Филозофскиот Факултет, Кире Василев, Иван Петровски и јас од Правниот Факултет.

Учеството на трибината е слободно и пожелно за сите.