од ќошињата на таванот
секој ден ги слушам
како си шепкаат на раат
како си дишат во врат
како воздивнуваат
и си раскажуваат
колку се љубеле
и колку си недостасуваат

во ќошињата на таванот
во вдлабнатините
по работ
таму покрај лустерот
е таму горе на таванот
зад двата прста прав
позади високиот шкаф

ги гледам горе на таванот
двата лика во неповрат
мојот и твојот
во нивниот свет
на таванот

не се како нас оттуѓени
не се како нас изгубени
не се како нас кретени

само седат на таванот
и го прават светот поубав
со секој ден поминат

и ќе си живеат заедно
до крајот на животот
на мојот таван
над мојата глава
над мојата тага

ми останува само
да ги гледам одоздолу
да им завидувам
и да ги пазам

да не случајно некој се реши
да ги избрка од таванот
од сеќавањата
од рајот

* * *

ако овде сме ние кретени
бар тие таму горе
на таванот
нека се среќни