Грција на работ од социјална револуција? Пази да не.. Премногу ти се перчеле другарчињата твои, ама не мораш баш од збор до збор да им веруваш. – Коментар на Сатаниел на мојот краток пост “Робин Худ од јужниот сосед”

Грција во моментов е буквално пред социјална револуција.
Македонците верувам за својот сосед не знаат ама баш ништо освен Караманлис, Бакојани, спорот со името и лошиот третман на македонското малцинство.

Македонците за својот сосед исто така, слабо знаат дека тоа е земја која во 1940тите беше разорена од граѓанска војна (истата таа војна по која етничките Македонци го јадеа стапот). Сепак, да не беше странската (читај американската) поддршка за десницата (голем дел од нив про-нацистички ориентирани за време на Втората Светска Војна), Грција ќе беше комунистичка земја и веројатно заедно со Бугарија ќе влезеше во Титовата Балканска федерација. Ова е битно да се меморира особено во контекст на спорот со Македонија, но за тоа наредниве денови.

Како и да е, благодарејќи на политиките на грчката влада од 1991 па навака, и благодарејќи на интертната реакција на македонскиот национализам, два соседни народи се денес до таа мера отцепени, да не знаеш кој помалце го познава другиот.

Не дека се праам фраер “сум бил у Грчка знам шо се дешава таму”, но фино лепо јас уште летоска кога бев активен во Антимилитаристичката Антинационалистичка Иницијатива си пишав дека сум фасциниран од тоа колку таму живее и се гаи идејата за револуција. Кога реков дека се на раб на вистинска социјална револуција, сите ме правеа будала.

Она што се случува во Атина, Солун, на Крит, веројатно и во Јанина и на други места (ова е моментот малцинствата да станат, се надевам и Лерин ќе стане ако не станал), е нешто што се очекуваше. Затоа што особено младите таму, се спремаат за ова цел живот.

Александрос, почивај во мир.

Στήριξη της ελληνικής ανθρώπους! Ζήτω η επανάσταση! Αλέξανδρος αίμα του δεν είχε ρίξει μάταια!

Поддршка за грчкиот народ! Да живее револуцијата! Крвта на Александрос не беше пролеана залудно!

Support for the Greek people! Long live Revolution! Alexandros’ blood was not shed in vain!