Зошто ја поддржав идејата за Студентски парламент
Изборите проследени со агресивно агитирање, поткупување, притисоци, и секоја можна форма на нерегуларност завршија. Самоил Убавиот Малчески освои 6095 гласа, Иван Андонов 1714. МОФ пак, успеаа да соберат повеќе од 10.000 потписи (уште нема конечни резултати од пребројувањето), што е доволен показател за тоа кој има легитимитет, а кој не. Треба да се има в предвид дека МОФ не се бори за власт и не претендира да стане нов ССУКМ; впрочем тие само предложија реформи (кои не би ги спровеле самите).
Околу иницијативата се створи тензија, се водеа дебати, се правеа паралели со 1997, се плукаше по „Сорозитите“ и што се` не. Како појдовна точка ги препорачувам постовите на Букарски [ 1 | 2 ]. Генерално, таму се линкани постовите „против“ оваа иницијатива. Не велам дека не им држат дел од аргументите, но мојот заклучок е поинаков.
Длабоко сум уверен дека клучните зборови „невладина организација“, „студентски парламент“ и „демократија“ се главната причина поради која многумина ја отфрлија иницијативата на МОФ наречена „Студентски систем ремикс“. Мене единствено ме иритира зборот ремикс (кај го најдоа жити све?!), ама можам да пројдам преку тоа.
Лани, за состојбите во високото образование јас пишав:
Високото образование е за никаде. Да, за никаде е. Имаме една перверзна ситуација каде што на државен универзитет, се плаќаат баснословни суми на име партиципација, се лижат таксени марки, се нема ни ред ни поредок.. а од друга страна, приватните универзитети ги јаде помрачина, тотално аут од секаков есап за некаква дискусија, толку транспарентни во својата нетранспарентност (со речникот на Алфите), нејќам ни да ги споменувам.
Целата таа концепција се руши. Трула е. Смрди. И сите ја осетиле дека смрди и никако не луфтираат. Попрво би да се загушат! [...]
Во моето досегашно скромно искуство од семестар-и-пол како студент, јас не сум запознаен со студентските движења кај нас, од каков било тип. Ги нема, тие сојузи ко некои тајни братства или култови да се, никој не ги знае, не ги видел, дали се под земја, по пештери, во подруми, во фабрики, појма да се немало. Јавноста се прашува дали постојат, о тие „млади бунтовници“, сапунски патетики, младата интелигенција, шлаканицата на свеста… А таман ќе се откаже човек од секаква потрага по нив, ќе дојдат студентските избори и ќе излезе некој месија на вересија, со платформа, ќе се направат сто и едно сценарио околу местенки и опструкции, и полека, со тек на времето, се ќе си замре, мртвите души ќе си легнат у ковчегот, и никому ништо!
Гладувачите у Жена Парк, хамбургеров ми!
Најпогубно во целата ситуација е што кај студентаријата не постои интерес за подобрување на сопствената ситуација. Тие организации не постојат затоа што нема заинтересирани. Затоа што единствено може да се наиде на појави ко смукови што виткаат опашките и пред најминорен авторитет, некои пусти стравови, кукавичлук.. Од младост и полетност, наводно, некои доблести, некој прогресивен дух – ни знак. Теткици и чичиња заробени у млади тела, со душа колку оревче и со мотив едно денарче. Мизерија.
А сепак, сите кукаат. Те ова не чини, те законот не бил добар, те реформите многу европски, па скапо било, па се чекало, па покривот капел, па што ти јас знам… Непотпишани петиции, тапи погледи ко телиња, ко волиња, ко бездушни магарици, шо ги јава апокалипсата, а нив им тежи, пустите, на плеќи! Колеги, мај ес колеги, колеги за пиење и кршење флаши под опиумот наречен Цеца, колеги кога треба „јазично да се чисти нечиј ректум од многу интелектуални хемороиди“, ама колеги кога е густо – нема! Пак тие тупите погледи, чат-пат осмех под брк у стил „на комшијата козата, и прчот, и офцата“, а сопствената офца, што ја гледа у огледало насабајле, е таа не! Јаз’к, ко ќе ми текне, може треба уште повисоки цени, уште понеповолни услови и уште повеќе агонија. К-15 на умот и душата, студентаријо, клета да останеш. Налет и студентски сојузи, хордати, паразити, полтрони и мекотели, налет се!
Во принцип, младината, студентите, младата интелигенција (или вонаби интелигенција, или параинтелигенција или што и да е), секогаш, ама секогаш треба да биде организирана, да изрази сопствен став и ако постои одреден вакуум, веднаш да настапи и да го заземе своето место. Постојат некои општи интереси, да речеме, во поглед на квалитетот и концепцијата на високото образование, или надвор од него; буквално, во една дувни-еби-шмркниветарска политичка ситуација, не смее да се дозволи една толку битна социјална група да биде летаргична, апатична и улежана до степен на мртвило. Сами си се нокаутирате бе, „колеги“!
На страна и солидарност, и прогресивност, и интереси, бар кажете го она што по ходници нон-стоп го шепкате, скришно, да не ве чуе големиот брат. Едно хорче да формирате, ебаве, бескичмењаците ебаве, со чест на исклучоци, а јас да се дистанцирам, нормално, да не ме судите за еготрипање.
И најлошото сценарио…мене да ми се случи една „Сорбона бикарбона“, уште некој да го јаде помрачина, а другите да продолжат со екстремно мазохистичкиот комформизам. Што значи, полошо од тоа што е сега, горе долу, не може ни да биде. А да се чуе омладината пуста, па тоа е сосем нормално за секое здраво општество. Дури и да се влезе во дијалог со неа. Ама симптоматично е кога таа е ќутлива. Да не си помисли некој дека ја нема, па да ја испушти во своите калкулации. [Sorbonne vs. Silent Bob]
* * * * *
МОФ дефинитивно не прават подвиг ни приближно значаен како оние во Париз, Берлин, Прага, Охајо, Мексико Сити. МОФ не прават револуција. Си пишале проект со утврден буџет во кој е пресметан секој плакат и секој саат стоење на пунктовите за петицијата, ќе лапнат кеш за секој преброен образец, а кога ќе заврши (се надевам успешно) оваа иницијатива ќе се курчат наоколу и веќе нема да ги интересира ништо околу студентаријата. Не се револуционери нити ентузијасти нити нешто особено репрезентативни да бидат тоа (запазете го само дијалогот на таканаречениот bitchkilla) и затоа нема да влезат во учебниците по историја. Но, МОФ за прв пат организираа кампања од која произлезе масовно (мене 10.000+ потписи ми се доволни да ја оценам иницијативата како масовна) студентско движење фокусирано на студентските проблеми (на органзационите проблеми поконкретно). А тоа е веќе крупен чекор напред. Некој прави нешто (колку и да звучи патетично, така е). Не се самофинансира, не е DIY, нема да падне крв и веројатно ќе помине време додека да се почувствува промена, но најважно во целата ситуација е дека конечно некој ги мотивираше студентите да излезат и да сторат нешто за себе. Целта сама по себе не е ништо посебно (ама прв чекор ко што реков, во тоа е нејзината битност) – на крајот се сведува на реформа со која на студентите им се дава можност да бидат вклучени во процесот на одлучување преку свои претставници во студентскиот парламент.
Да се кука и да се мрчи е најлесно (ова од искуство). Ама, кој смета дека може подобро и поефектно (а може – факат!), нека го фрли првиот камен на Ректоратот или на било кој факултет. Веднаш ќе му се приклучам. Вака не останува ништо освен да се даде тој минимален кредит за она што МОФовци успеаа да го постигнат.
No related posts.
13 Comment(s)
1 Trackback(s)
- From Martin Markovski | Dec 23, 2009
чоте | Feb 28, 2007 | Reply
Ај нека се угоде младичу.
[Translate]
zeroSignal | Mar 1, 2007 | Reply
Абе, ја уствари сакав да честитам нов сајт/блог/све.
Честито!
[Translate]
Gusar | Mar 1, 2007 | Reply
Vuna, kako sto tvrdese, NE GLASASE na studentskite izbori!
)
Bev svedok na momentot koga Nina Janevska (peackata od 4Play) go ubeduvase da glasa… A Vuna i vika…kakvo ma glasanje, NE GLASAM
[Translate]
STIPI | Mar 5, 2007 | Reply
Gi razbiram takvite kao tebe, vprocem i sam se definiras. Sedat, imaat blog, zavrsile 1 ipol semestar na faks i samo kenjaat kako nesto ne cini a nisto ne pravat, a koga nekoj ke dojde da napravi nesto togas i toa ne cini. Kafanska rabota. Pomini od nekoja birtija i ke se pronajdes sebesi vo podocnezni godini. Lugje so sedat, pijat ili ne ne e bitno, i drobat politiki, sport… a ustvari ne gi biva ni za pienjeto so go praat. Od vakvi paraziti kako tebe sto podrzuvaat ama ne podrzuvaat, sto sakaat da im padne od nebo, sto za trud go smetaat upload-ot sto go pravat na blogot ili stranicata ili sto i da e, NEMA SPAS. Bidejki gi spomnuvas podvizite od Paris, Berlin… probaj barem procitaj sto im prethodelo. Znaci toa e proces koj trae i se razviva kako sto se razviva opstestvoto i koga ke dojde do bum znaci naislo na kor sokak i nemalo vekje izlez. Megjutoa ti si taka povrsen i mislis deka so frlanje kamen po rektorat i sl. mozes da promenis nesto. Kaj nas se uste ima lekovi, najvazno e sto ima praven lek, megjutoa ako se sluci pravniot sistem da ne izneveri togas tie 10000 studenti sto se potpisale sami ke frlat kamen na rektorat no se uste imaat nadez za podobro(vo tie stuenti sum i jas), a vakvite kako tebe imaat nadez deka mozebi ke im padne od nebo da im se javat od GOOGLE i da im ja otkupat stranicata za 4 milioni dolari, za da mozat da se kurcat posle i da uzivaat vo blagodetite na nivniot “trud”. Fala ti na poddrskata. POZDRAV
[Translate]
STIPI | Mar 5, 2007 | Reply
Se nadevam nema da go izbrises postot, zosto zasluzi vakva ostra kritika.
[Translate]
Bitchkilla | Mar 5, 2007 | Reply
еве го и bitchkilla да се јави и овде….
фино согледување на работите, доста коректно и на место… по мене, нели.
Точно дека МОФ не прави подвиг односно тектонско поместување на работите како оние на местата кои си ги излистал.
Дека МОФ не прави револуција грешиш. МОФ прави револуција во крајно заглавеното македонско општество. Едно е поместување на работите од мртва точка по пат на цивилизирана и достоинствена но пред се демократска метода како што е петицијата.
МОФ не располага со партиски машинерии како 2та кандидати но и низа прошли кандидати за господар на ССУКМ. МОФ не располага со никого и ништо.
Очигледно лицето кое го има ставено последниот запис на блогов ја има испуштено приликада да се информира за финансиите и средствата од кои се финансира оваа иницијатива. Таа прилика ја имаа сите оние кои беа присутни на трибините кои се случуваа за време на петицијата и МОФ беше прозван да каже од каде е кешот за целата работа, и заинтересираните беа удостоени со одговор.
Кога ке заврши целата оваа работа никој нема да се курчи и да се фали. Да се курчевме и да се фалевме немаше да кружат глупости од типот на изјавите на Латас, Самоил и компанија дека моф хибернирал и спиел цело време.
НЕ! Клоца за корупција, студентски правобранител, РЕЗИЛ, Quo Vadis Studentu и низа друг активности и кампањи кои се случувале пред очите на целата јавност. Намерно се заборавени или изоставени за да се остави простор за вакви хипотези дека после ова ке не снема и ке се курчиме и фалиме на едни стари добри времиња кога не деградираа, вреѓаа глупаци и кисневме по дождови.
Верувај дека ако МОФ или одредени поединци од моф решиле да се курчат или да изиграваат печатница за пари ке беа по места како што се ССУКМ и слични на нему.
Тоа што ти се повикуваш на мојот дијалог е супер. Bitchkilla знае да комуницира со повеке форми и нивоа на интелект.
Нема да се докажувам и да пастирам линкови за да го докажам ова мое тврдење, како и да е стојам зад тоа што сум напишал односно кажал во препуцавања со колеги блогери и што све не. Сигурно дека ако во иднина налета некој што ке се обиде да општи без аргументи со паушални квалификации и навреди ке му биде соодветно одговорено.
Јебига влегувањето во учебници по историја не ми е целта во животот. Целта е да се промени свеста и начинот на функционирање на целиот систем.
1400 нови студенти на факултет кој има реален капацитет за 500;
професори кои имаат его до небо и мислат дека јас сум на факултет ради него а не тој ради мене
професори кои држат тезги на 100 факултети и универзитети а не ја обавуваат наставно научната дејност за која сите ние плакаме
Фаци кои ја искривуваат перспективата на една огромна маса млади луге и ги обесхрабруваат дека нешто може да се смени
Контрола на ситна група луге кои многу добро ја познаваат моќта ан студентите во едно општество и истата ја држат осакатане со цел приграбување пари, моќ, коматозна состојба на идните носители на едно општество.
општество кое пренесува крајно кородирани и искривени вредности врз идни генерации
високо образование во кое правата и интересите на оние кои се главни конзументи на истото се КРАЈНО МАРГИНАЛИЗИРАНИ.
10 901 потпис односно студент сакаат се ова да се смени односно да прекине.
Дали притисокот врз институциите со овие 10 900 аргименти ке резултира со конкретни чекори останува да видиме.
Дали ке се случи ДАНСКА; ФРАНЦИЈА; МЕКСИКО: ОТПОР останува да видиме.
поздрав,
bitchkilla
[Translate]
STIPI | Mar 6, 2007 | Reply
Dobro e. Ne gi pustaj da se citaat komentarive. Monopolot e fina rabota, tebe ti e dozvolen na tvojot blog, zatoa skrij si se i kazi si sto imas, ama nikako ne pustaj da se komentira tvojot stav. Super strana.
[Translate]
dulevarvar | Mar 6, 2007 | Reply
Ова не се студентски избори.Ова се политички избори на кои излегуваат и политичари,ливчиња, ливченосачи и мал број студенти кои се од внатрешноста и кои мораат да гласаат со надеж дека ѓе добијат место наредната година. И тоа е единствената причина поради која на минатите избори излегоа 3000 студенти ( ни 10%) а на овие нема ни 20%. Со тоа само ја потврдувам твојата констатација дека овие, ниту сите избори наназад немаат легитимитет.
[Translate]
Shepard | Mar 6, 2007 | Reply
@ chote, zero: е ај нек се угоде
@ stipi, bitchkilla: не кажувате ништо што јас не кажав во постот, а што е релевантно на насловот
[Translate]
Bitchkilla | Mar 7, 2007 | Reply
ааа епа чим така еве јас ке се извинам. „се извинувам!“
[Translate]
STIPI | Mar 8, 2007 | Reply
jas ne se izvinuvam. sredi si gi stavovite, izmeni nesto i dokazi deka si izmenil pa moze i ke razmislam. da se izvinam za ruganje na najdobrata inicijativa sto se slucila na ovie prostori koja gi zasega studentite(mene), ustvari na lugjeto sto ja napravile i obmislile, e nema sansi. Pozdrav
PS. ova e moj posleden komentar na blogov, ne zasluzuva povekje.
[Translate]
шлајфка | Mar 22, 2007 | Reply
stipi, а ти бе бате што правиш? ако си студент, тогаш гарант и ти седиш и пиеш. не јади гурабии. Според тебе треба да си остане ССУКМ? Пишав коментар и кај Бунарски (неможам ни името да му го пишам) еве и тебе ќе те прашам: Колку студенти има вкупно а колку гласаа на изборите? затоа Шат д фак ап. ПАРЛАМЕНТ! се знае, да може секој да пренесе свое мислење. Доста е веќе, МАМЕ МУ РАСПЛАКАА НА СТУДЕНТИТЕ. Пр. Плаќаат 800 денари за книжен фонд или као и да е тоа како и да се вика, а требало 80, ама на некој му се пишало една нула повеќе. И? Некој се побунил поради тоа? Седи молимте. А што е со „студентски збор“. Нека се јави некој ако му има видено око на списанието. О!ШИПКА
[Translate]
зимски | Mar 24, 2007 | Reply
вуна.инфо…ај честито ново, да ти се посреќи тастатурата да ти се умножат ентерите…а богами и нервите…за коментари остри или благи , колај бива…трпи тастатурава…
[Translate]